ديسير راقي وسهل بالصور

السلام عليكم ورحمة الله تعالى وبركاته

المقادير :

تحتاجي لبسكوي مطحون

زبدة 

شكلاط

كريم شونتيي او ممكن ديري كريمة الي كنعطيكم الطريقة ديالها بانك ضيفي ليها نسمة ديال الحامض او الفاني

فريز

النشا

السنيدة

الحليب

كاكاو

انا معطيتكمش مقادير محددة لان على حسب الكمية الي اديري

انا درت جوج كيسان

الطريقة :

بالنسبة للكريمة 

القاعدة انك ديري لكل كاس حليب معلقة ديال النشا ومعلقة السنيدة

انا درت جوج كيسان

كتخلطي كلشي وفوق العافية اتخليها تا تولي كريمة بحيت انك تبقاي في نفس الوقت تتحركي بالطراب اليدوي دون توقف تا تتعقاد

دابا اتغيري النسمة بحيت يكونو عندك جوج انا درت الفريز والكاكاو ممكن ديري اي فاكهة بغيتي ومتوفرة عندك

طحني الفريز مع الكريمة

وخلطي الكاكاو كدلك مع الكريمة

ورديهم كل واحد على البوطة غير شوية ونتي تتطربي

وهاهوما واجدين

كيف دكرت لكم ممكن تخليها بيضة وتزيدي عليها الحامض او الفاني بلاصة الكريم شونتي

دوبي الزبدة

خلطي بيها البيسكوي

وتبعي المراحل

دخليها للتلاجة وعند التقديم زينيها

بالصحة والراحة