ميني حرشة من مطبخ أناقة أميرة بالصور

السلام عليكم ورحمة الله تعالى وبركاته

المقادير :

4 كيسان سميدة غليظة

1 كاس فورص

1 كأس زيت

1 ملعقة كبيرة سكر

نص ملعقة صغيرة ملح

نص ملعقة كبيرة خميرة الخبز

1 خميرة ألزا

الماء الدافي

ملاحظة :

خاصنا قبل  نكونو وجدنا ليمول ندهنوهم بالزبدة ونرشو عليهم السميدة حيت ايلا خلينا الخليط تعطل غادي إقساح  خاصنا نوجدوهم قبل باش غير نخلطو الحرشة نعمروها فليمول

الطريقة :

نخلطو فالاول النواشف مع بعضهم السميدة والفورص والسكر والملح وألزا

ثم نزيدز الزيت ونخلطو مزيان نخليوها شوية تشرب ديك الزيت شي 3 دقايق هكاك

فهاد الوقت نذوبو خميرة الخبز فكأس كامل ديال الما دافي ونفرغوه على الخليط ونخلطو ونزيدو كاس تاني ديال الماء دافئ ونخلطو 

 ونعمرو ليمول ديالنا بالحرشة كما مبين فالصورة والى الفرن خاص الفران إكون مجهد حيت الحرشة تتدي الطياب وخاصها تكون محمرة من الفوق

ملاحظة :

ماشي شرط اكونو عندك ليمول يمكن الديري منها كويرات على حساب الحجم الي بغيتي وستفيهم فلاطة مدهونة بالزبدة ومرشوشة بالسميدة 

منين الطيب ندهنوها بالمربى ونزينوها بلي متوفر عندك انا هنا زوقتها باللوز مهرمش 

وبالصحة والراحة