حلوة بنكهة البرتقال من مطبخ أناقة أميرة بالصور

السلام عليكم ورحمة الله تعالى وبركاته

المقادير :

125 غ زبدة

كأس سكر كلاصي (ناعم)

نص كأس زيت

نص كأس مايزينا

قشرة حبة برتقالة مبشورة

1 بيضة

1 خميرة ألزا

الدقيق حسب الخليط 

ملاحظة :

 انا هنا درت نص المقادير ايلا بغيتي تخرجي منها بزاف ضاعفي المقادير

الطريقة :

كما العادة تنخدمو الزبدة والسكر مزيان ثم نزيدو البيض والزيت وقشور البرتقال مع الخلط جيدا 

فالاخير نضيفو مايزينا والخميرة والدقيق نخلطو وحنا كنضيفو فالدقيق غير بشوية حتى نحصلو عاى هاد العجينة الرطبة 

نقسمو العجين لقسمين القسم الاول نديرو منو كرات عاديين وحجم الكرة تيرجع ليك واش تبغيه كبير ولا صغير ونستفوهم فاللاطة والقسم الثاني نديرو منو كورة كما مبين فالصورة

ونجيبو هاد الطابع أو أي طابع بغيتيه وندوزوه فشوية دقيق باش منين نطبعو بيه الحلوة متلصقش وتبقى فبلاصتها والصور غتوضح ليكم اكثر 

وهاهي حلوتنا منين ساليناها والى الفرن

ملاحظة :

 من الاحسن كل شكل ديريه فلاطة بوحدو حيت انا جمعتهم فلاطة وحدة الشكل الي طبعتو بالطابع طابت دغيا والشكل الثاني تعطل

للتزيين خاصنا شكلاط مذوبة فقطرة زيت والكوك محمر وباسطا مهرمشة اي نوع معتمد عندك

انا كنستعمل هاد النوع لتزيين الحلويات هي المعتمدة عندي 

نغطسو الحلوة الي درناها على شكل كرة كاملة فالشكلاط

وندوزوها فالباسطا لمهرمشة

والشكل الثاني ناخدو حبة نقلبوها ونديرو شوية شكلاط ونحطو عليها ختها وندوزو الطراف فالشكلاط والكوك محمر

وكما كتشوفو انا هاد المقادير خرجاتلي جوج طباسل صغار انت ايلا كانت عندك شي مناسبة ضاعفي المقادير

بالصحة والراحة

تحياتي مودتي